مقاومة الانسولين وعلاقتها بدهون البطن

موضوع المقالة اللي بتكلم عنه اليوم  هو عن مقاومة الانسولين وعلاقتها بدهون البطن فالنقاط بتكون كالاتي :

اول شي راح اشرح ايش هي مقاومة الانسولين بصورة مختصرة جدا. وأيضا  ايش هي العلاقة بينها وبين الكرشة او دهون البطن؟

وبذكر لكم ايش هي العلامات اللي اي احد عنده  او اذا كنت تعرف منها هذا يعني انه عندي انسولين او مقاومة لللانسولين

سواء كانت العلامات هذي حاجات طبية او تحاليل او حتى علامات ظاهره تظهر على اي احد وبنشرح طرق العلاج منها  سواء كان بالتعديل

في الدايت او تعديل في التمرين وماهي اهم المكملات واهم العناصر الغذائية اللي بتساعدني اتغلب على المشكلة هذي.

طيب مقاومة الانسولين وعلاقتها بدهون البطن بصورة مختصرة جدا

لما ناكل سكر الدم بيكون مرتفع, فالبنكرياس بيفرز حاجة اسمها انسولين علشان يقلل او يخفض سكر الدم, عن طريق انه بيوصل الجلوكوز.

الزيادة هذي للخلايا حق الجسم علشان خلايا الجسم تبدأ تستعملها كطاقة للجسم ,المشكلة بتصير متى بتصير لما الخلايا هذي بتكون صارت مليانه

و لما الخلايا هذي تكون اخذت حاجتها وماتبي جلوكوز زيادة فتبدأ تقاوم موضوع الانسولين ويبدا البنكرياس بيفرز انسولين والخلايا تبدا تقاوم طبعا الموضوع

هذا بيكون اسوأ لما تاكل سكر صناعي او تاكل كربوهيدرات مكررة فهذا بيزود المشكلة بصورة كبيرة جدا

“اقرأ أيضاً: طريقة كرات البطاطس بالدجاج الصحية في القلاية الهوائية“

ايش يصير لما الخلايا بتقاوم الانسولين ؟

سكر الدم بيكون عالي ووقتها الحل الوحيد قدام الجسم انه يقلل سكر الدم هذا وانه يقوم بتخزين السكر هذا او الجلوكوز الزايد هذا في الدهون وخاصة الدهون

اللي حوالين البطن او الخصر او الكرش فهي هذي العلاقة اللي بينهم هما الاتنين

علامات مقاومة الانسولين

1 – الكرش او دهون البطن

ومن هنا بندخل على النقطة اللي بعدها اللي هي ايش  هي علامات الانسولين وهذي بتكون اول علامة طبعا اللي هي موضوع الكرش او موضوع الدهون اللي

حوالين منطقة الخصر والبطن بس طبعا مو أي شخص عنده كرش يعني عنده مقاومة انسولين بس بنسبة كبيرة جدا بيكون صح .

2 – الشراهه في اكل السكريات

العلامة التانية انك بتشوف ان هناك في شراهه في موضوع اكل السكريات وان الناس تبي تاكل سكريات في اي وقت وفي نفس الوقت هيكون في قلة تركيز

او ان التركيز مو شغال بالصورة الطبيعية طبعا حاجات تانية طبية ممكن الواحد يتأكد منها زي تحاليل معينة زي مثلا الهيموجلوبين او تحليل الجلوكوز

او تحليل الانسولين على الصيام هذي برضو حاجات تخلي الواحد يتأكد اكتر .

طرق علاج مقاومة الانسولين

1 – اول شي نسويه هو  ان تكون الكاربوهيدرات منخفضة في النظام الغذائي.

الكربوهيدرات ليست مضرة ولكن لو احد عنده مقاومة انسولين فالكربوهيدرات بالنسبة له بتكون مضرة. وهذا شي بديهي لان موضوع الكربوهيدرات المكررة

مثل  السكر الصناعي يفترض الابتعاد عنها نهائيا. وهذي المفروض مو انه يقللها, لا الاحسن يلغيها تماما.

بالنسبة للكربوهيدرات التانية ممكن يعوض الكلام هذا بالفاكهة ولكن أيضا  يكون بحساب لان الفاكهة أيضا فيها سكر فالاحسن ان هو يقوم بحساب الفاكهة

في النظام الغذائي, ويحاول ياكل كميات كبيرة جدا من الخضار اللي مافيه سكريات كتير .

اي اوراق خضراء او الخضار الملفوف, فهذا يكون فيه الياف كتيرة جدا ويشعرك بالشبع وما فيه اي سكر او اي شي بياثر في موضوع الانسولين

 2 –  تاني شي انصح فيه او المفروض نعملها هي موضوع الصيام المتقطع

طبعا مثل ماهو معروف الصيام بيعالج حاجات كتيرة وبيعالج مشاكل كتيرة جدا فالصيام المتقطع ايا كان نوع الصيام هذا سواء تصوم الفجر المغرب

او تسوي صيام متقطع زي الرياضيين  فالحالتين انت مستفيد وميزة الصيام انه انت بتريح البنكرياس من افراز الانسولين وايضا الجهاز الهضمي و الكبد.

وبهذي الطريقة انت تفيد جسمك بصورة كبيرة جدا جدا وبتكون تحل المشكلة هذي بصورة فعالة حتى لو مابتسوي الصيام فعلى الاقل على الاقل

حاول انك تتجنب موضوع السناكس او موضوع الاكل بين الوجبات هذي حاجة احنا مانبي نسويها احنا نبي نريح من افراز الانسولين فالاحسن

انه الوجبات تكون عددها قليل ومو كل ساعتين لازم اكل حاجة الموضوع هذا غلط تماما لو احد عنده مقاومة للانسولين.

نجي للتمارين ايش هي التعديلات اللي انا ممكن اسويها في التمرين؟

اول نوع هو المقاومة و هي اي تمارين يكون فيها مجهود عضلي وبتساعدني في بناء عضلات اكتر فكلما العضلات بتزيد كل ما يكون عندي مساحة

انه اشيل جلوكوز اكتر, جسمي بياخذ الجلوكوز هذا بصورة احسن, وماراح يخزنه على انه دهون, لان اساسا الجلوكوز يا اما يروح للعضلات و بيروح للمخ

وبيروح لاعضاء الجسم وراح يستخدمه على انه طاقة يا اما ان هو يروح ويتخزن على انه دهون.

لو انا عندي عضلات فانا عندي مساحة اكبر انه استخدم الجلوكوز هذا بدل ما يتخزن على انه دهون.

“قد يهمك أيضاً: تعرف على الاكلة اللي تساعد على نزول الوزن .. معقول ؟؟!!”

تمارين الكارديو او الرياضة الهوائية

الكارديو اوالتمارين الهوائية ممكن اقسمها طبعا لانواع كثير بس اهم شي لو احد عنده مقاومة انسولين على الاقل انه يقوم بالمشي

ومو مطلوب منه يعمل شي اكثر, لو هو يقدر يلتزم على المشي فهذا بالنسبة له بيكون جدا ممتاز لو احد ممكن يبي يعمل شي اقوى شوي من المشي

او لياقته تسمح انه يعمل شي اعلى شوية فممكن يسوي كارديو عالي الكثافة (HIT )  فلو احد لياقته ماتسمح فممكن يعمل حاجة

اسمها interval training من غير ما يعمل كثافة عاليه على سبيل المثال ان هو ممكن مثلا يمشي بسرعة لمدة 3 دقائق وبعد كذا يمشي بطيء

لمدة 3 دقائق يعني ممكن حتى لمدة دقيقة او على حسب كل واحد ومستوى اللياقة عنده ويقرر الموضوع هذا لمدة ثلاثين دقيقة او لمدة ساعة ما في اي مشكلة

ممكن لو لياقته عاليه شوي ويبي يزود الموضوع فممكن انه بدل ما يمشي لمدة تلات دقايق ممكن يجري لمدة دقيقة. وبعد كذا يمشي لمدة اربع دقايق ويكرر الموضوع هذا.

المكملات الغذائية ومقاومة الانسولين

المكملات او العناصر الغذائيه اللي هي تساعد في موضوع الانسولين

1 – اول عنصر اسمه الكروميوم Chromium 

هذا عنصر غذائي موجود في الكثير من الاكلات مثل البصل و اللحوم و البروكلي و الجريب فروتس ولكن لو احد عنده مقاومة انسولين بيحتاج كمية كبيرة شوية منها

و صعب انه يوفرها من الاكل الطبيعي لوحده. فعشان كذا ممكن انه ياخد مكمل للكروميوم , واحسن مكمل للكروميوم اواحسن

شكل للكروميوم هو Chromium picolinate 1000 ميكوجرام, هذا  بيساعد كتير جدا على التغلب على الانسولين.

2 – التاني اسمه البيوتين Biotin  

العنصر الغذائي التاني اسمه البيوتين Biotin  8-16 مليجرام في اليوم (16000 ميكروجرام) البيوتين واحد من البي فايتمن فيتامين B.

كثير من الناس يستخدمونه مو عشان مقاومة الانسولين ابدا, الناس بتستخدمه عموما علشان الشعر وعلشان البشرة لان هو مفيد

جدا للشعر والبشرة. ولكن الشي اللي مايعرفونه انه مفيد جدا في موضوع مقاومة الانسولين .

 3 – العنصر الغذائي الثالث هو البوتاسيوم Potassium

البوتاسيوم احنا نحتاج منه حوالي 4700 مللي جرام كل يوم ولكن اذا احد عنده مقاومة انسولين او سكر فبيحتاج بوتاسيوم اعلى بكثير من الكمية هذي .

4 – العنصر الغذائي الرابع هو المغنسيوم Magnesium

العنصر الغذائي الرابع هو المغانسيوم 400-800 مليجرام باليوم وهو من اهم العناصر الغذائيه عموما

“شاهد أيضاً: البطن اليابسة والبطن اللينة ايش الفرق بينهم؟“

وفي الأخير

 

اذا في احد بياخذ شي من هذي المكملات الغذائية وهو يأخذ ادوية لمرض السكر فيجب ان يقوم باستشارة طبيب متخصص لان هذي المكملات هي

عناصر غذائية طبيعية ولكن مع استخدامه ممكن يضطر الشخص الى تقليل جرعات ادوية السكر وهذا شي كويس وهذا يتم عن طريق طبيب متخصص عشان يعدل في الجرعه من جديد