اسباب الدهون في البطن وطرق التخلص منها بالاكل والتمارين !

الموضوع هذا يخص الناس الي جسمها نفس الي بالصور:

fat belly exercise

لازم تعرفون اول شي ايش الاسباب اللي تجعل شكل البطن كذا :

fat belly exercise

١. قلة الحركة
٢. سوء التغذية
٣. الضغط النفسي والتوتر وقلة النوم
٤. تناول منتجات الألبان!
٥. تناول منتجات القمح!

معقوله النفسية وقلة النوم لها علاقة؟ معقولة ونص اقرو بارك الله فيكم
دراسات تثبت ان الضغط النفسي والتوتر وقلة النوم هم احد اسباب وجود الدهون في منطقة البطن!
اجل ليش اغلب مدرسين الرياضيات والعساكر والدكاتره والوظائف اللي فيها ضغط تلاقيهم عندهم بطون كأنهم لابسين طفاحيات البحر! لان نفسيتهم صفر وكلهم متوترين! .
ليش؟ لان اكتشفوا ان كل مازاد هرمون التوتر والضغط اللي هو الكورتيزول بأجسامهم كلما زادت كمية الدهون في منطقة البطن! .
مصدر لدراسة تثبت علاقة الشحم في منطقة البطن مع الضغط النفسي والتوتر:
http://www.ncbi.nlm.nih.gov/m/pubmed/16353426/

طيب ايش علاقة منتجات الالبان والقمح؟

fat belly exercise

سبب منتجات الالبان هو سكر الحليب اللي يسبب عند كثير من الناس انتفاخ بطن وسبب منتجات القمح هو لانه مليان صوديوم وكل انسان جسمه كذا ويجي عشان انظم له جدول بس شلت منه كل منتجات الحليب والقمح تعدل جسمه وتحديداً بطنه!

طبعا كل هذا الكلام ماينفع بدون رياضة وتحديداً رفع الأثقال! يعني تبون تعدلون اجسامكم؟

١. عدل نفسيتك اول شي
٢. نام مضبوط
٣. اكل زين ولازم تعرف ايش تاكل!
٤. تمرن صح .

fat belly exercise

ملاحظات هامة

١. نظام اكلكم يفضل يكون نظام بناء عضل عشان مايترهل الجلد .
٢. يفضل يكون نظام اكلكم خالي من منتجات الالبان والقمح (تقدرون تاكلونهم بالوجبه المفتوحه)
٣. لازم تضيفون لنظامكم اشياء تساعد على تعديل المزاج وتقلل من هرمون التوتر

ايش هي هذي الاشياء ؟

fat belly exercise

١. ( فيتامين C )

عدة دراسات اكتشفت ان اللي ياخذ ثلاثة جرام من ( فيتامين C ) تقل عندهم نسبة هرمون كورتيزول
دراسة تثبت ان ( فيتامين C ) يقلل من هالهرمون:
‏http://www.ncbi.nlm.nih.gov/m/pubmed/11590482/

٢. بذور الشيا

لان يحتوي على ستين بالمئة من أوميغا ثلاثة اللي اساساً اغلب المخ يتكون منه وايضاً مليان بروتين! وتحديدا أهم حمض أميني للمزاج اللي هو التربتوفان!

٣. الجوز البرازيلي

ملئ بمعدن اسمه سيلينيوم تقريباً بس خمس قطع تعطيك من هذا المعدن يساوي كيلو من لحم البقري! وهذا المعدن يعتبر جزء اساسي في تكوين هرمون سيروتونين (هرمون السعاده)…. يعني اخلص علي….اذا صاحبك دمه ثقيل وماينبلع اكله جوز البرازيلي

٤. الكاجو واللوز وبذور القرع

لان ايضا مليان حمض الاميني التربتوفان وايضاً مغنيسيوم وفي دراسة اكتشفوا أن كل ما قل نسبة المغنيسيوم بجسم الانسان كل ما استشعر الإنسان بالكآبة! وايضا يحتوي على فيتامين B اللي الجسم يحتاجه عشان يحول التربتوفان إلى هرمون سيروتونين

مصدر الدراسة عن علاقة المغنيسيوم بالكآبة:
‏http://www.ncbi.nlm.nih.gov/m/pubmed/22695027/

مصدر لدراسة اكتشفت اللي ياكل كاجو واللوز والجوز البرازيلي نسبة هرمون السعادة عندهم يكون مرتفع:
‏http://www.cbc.ca/m/news/health/eating-nuts-may-enhance-mood-1.1105620

.مثال على نظام الاكل (الكمية تختلف من شخص لشخص)

اول وجبه: شوفان او بطاط + فاكهه + بيض او تركي او صدور دجاج او مكمل بروتين خالي من اللاكتوز + مكسرات اللي مذكوره فوق او بذور الشيا
.ثاني وجبة: مكمل بروتين خالي من اللاكتوز + فاكهه

ثالث وجبه: (رز) او البطاط + سلطه + دجاج او اكلات بحريه او لحم

رابع وجبه: اكلات بحريه او دجاج او مكمل بروتين + سلطه

خامس وجبه: دجاج او اكلات بحرية او لحم + عيش او بطاط + افوكادو

إقرأ ايضا : ايش الفرق بين لعبة بناء الجسم ولعبة رفع الاثقال (العاب القوة)؟

fat belly exercise

طريقة تمارين للناس الي جسمها مثل الي بالصور :

١. اذا صار لكم تتمرنون اقل من سنه افضل جدول لكم في وجهة نظري هو كالاتي:

للشباب:
اول يوم: رجل وبطات
ثاني يوم: ظهر وباي
ثالث يوم: صدر وتراي ومعده
رابع يوم رجل وبطات
خامس يوم اكتاف ومثلثات
سادس يوم: باي وتراي ومعده

fat belly exercise

للبنات:
اول يوم: رجل امامي وصدر
ثاني يوم: ظهر وارداف
ثالث يوم: ذراع ومعده
رابع: رجل خلفي وارداف
خامس يوم: ظهر ومعده

ليش مرتين رجل للشباب؟

لان تمارين الارجل هي اكثر تمارين تساعد على إفراز هرمون النمو و تستسترون إذا كان اكلكم مضبوط وتنامون صح .
٢. عدد الجولات لكل تمرين بوجهة نظري ٤

٣. عدد التكرار لكل تمرين بوجهة نظري من ١٢ لي ٢٠

٤. ارفعوا الوزن الي يتعبكم في اخر تكرارين من كل جولة
٥. مدة الراحة بين الجولات افضل شي تكون بين ٣٠ ثانية ودقيقة
٦. الراحه مهمه ناموا ٨ ساعات باليوم حتى لو متقطعة
٧-. لازم تمارسون رياضة هوائية يفضل على معده فاضيه واذا ماتقدرون العبوها بعد المقاومة لمدة ثلث الى نص ساعه ولازم نبضات قلبكم وقت الهوائية يكون بين ٦٥٪‏ لي ٧٥٪‏ من قدرته

كيف نحسب نبضات القلب؟

fat belly exercise

اول شي ٢٢٠ – العمر = الناتج * ٠.٦٥ يعطيكم عدد نبضات قلبكم عند ٦٥٪‏ من قدرته

بعدها ٢٢٠ – العمر = الناتج * ٠.٧٥ يعطيكم عدد نبضات قلبكم عند ٧٥٪‏ من قدرته

طيب كيف ندري ان نبضات قلبنا في هالحدود؟
اغلب اجهزة رياضة الهوائية تحسب وفي ساعات تنباع تحسب ايضاً

طيب ليش لازم نعرف؟

باختصار بين ٦٥ لي ٧٥٪‏ هو أكثر وقت الجسم يحرق فيه الدهون

من الاخر.. .

شغل ماعندي وقت اتمرن ومش عارف ايش اتركها عنك لان انا متاكد نص يومك ماعندك شي غير انك تقعد وتحكحك في بطنك الي صاير كأنه بطن طلي فيه غازات وتتحلطم على حظك … اثقل بارك الله فيك