مسكين ومحروم اللي يلعب رياضة ولا ياكل البروكلي واسبراقوس (الهليون) !!

البروكلي واسبراقوس (الهليون) – مسكين ومحروم اللي يلعب رياضة ولا ياكلهم !!

البروكلي واسبراقوس (الهليون) broccoli and asparagus

١. الهليون فيه اعلى نسبة من اقوى مضاد للاكسده اسمه قلوتاثيون broccoli and asparagus

هذا الحمض موجود ويصنع في كل خلايا الجسم ونسبته اكثر في عضلة القلب وباقي العضلات وايضاً الكبد,بدون لا اعطيكم درس بالكيمياء اسهلكم الموضوع وظيفة هذاالحمض.انها تقوي جهاز المناعه تدرون ايش يعني؟

يعني يحارب الخلايا السرطانيه! وايضا يساعد الجسم على محاربة كل الجراثيم ويمنع الخلايا من التأكسد يعني اللي في جسمه نسبه عاليه من فلوتاثيون من النادر ان يمرض! وموجود بكثره بالكبد يعني هو طارد للسموم

مع مرتبة الشرف! ويساعد على بناء حمض النووي واعادة بناء الاحماض النوويه المتلوفه، والاهم من هذا كله ان يساعد على زيادة نسبة التستسترون الطبيعي تدرون ايش يعني؟ يعني يساعد على زياده في الكثافه العضليه! وايضا يزيد كمية الحيوان المنوي والعافيه و يعني هو ممتاز للناس الي تعاني من رجفه بالركبه!!!

مصدر طبي لعلاج ضعف الجنسي يثبت ان القلوتاثيون يساعد في زيادة نسبة التستسترون:

http://bostontestosteroneblog.com/injectable-glutathione-therapy-at-boston-testosterone-partners

٢. الهليون مدر فعال للماء الزائد تحت الجلد!!! broccoli and asparagus

لان فيه حمض اميني اسمه الاسباراجين هل حمض يفرزه الكبد ويستخدمونه الاطبه في علاج الناس الي تعاني من صعوبه في طرد السوائل الزايده بالجسم بسبب قلة الحركة او الكلية تعبانه.

يعني اذا تحس ان جلدك صاير مرهرط واذا قعدت يتصفط الجلد كأنه ارفف خامات؟ هلا هلا بالهليون .

٣. الهليون يساعد على هضم والاستفاده من مكونات الاكل!broccoli and asparagus

لان فيه ماده اسمها الاينولين هل ماده تساعد على نمو البكتيريا النافعه بالجسم الي من خلاله تتساهل عملية هضم الاكل والاستفاده من مكوناته مثل البروتين وغيرها… يعني اذا حاس كل ما اكلت بطنك تنتفخ ومانت قادر تتنفس هلا هلا بالهليون عليك أن تتعلم قواعد اللعبة، ثم عليك أن تلعب أفضل من أي شخص آخر.

٤. مليااان الياف وفيتامينات يعني يحسسك بالشبع لمده اطول و شتبون بعد ما بقى الا يقولك استريح وخلني اتمرن بدالك!!

من الاخر….

حاس ان خويك خيخه واذا رجع البيت زوجته تطقه؟ اكله هليون بارك الله فيك

حاس انك صاير حنين؟ اكل هليون بارك الله فيك

حاسة ان طالعة لك كرشه ثانيه برقبتك؟ اكلي هليون بارك الله فيك

تعرف على الاكلة اللي تساعد على نزول الوزن !!!معقول؟!

تدرون ان اكثر خضرة ياكلونها الناس المحترفة في بناء الأجسام هي البروكلي واسبراقوس!.

البروكلي فيها مادتين:

مادة الاولى اسمها Glucoraphanin

ايش سالفتها؟

بدون لا ادخلكم بكلام علمي اثبتت الدراسات ان هالمادة تحارب الخلايا السرطانية وايضاً يساعد في تكوين خلايا عضلية!!

وهذا مصدر للدراسة:
https://www.ncbi.nlm.nih.gov/m/pubmed/23092945/

والمادة الثانية اسمها Indol-3-carbinol

دراسات تقول ان هذي المادة تقلل من نسبة هرمون الاستروجين بالجسم! وإذا قلت تقل نسبة التثدي! طبعاً مع ممارسة رياضة المقاومة،( شغل تاكل وتنتظر الفرج ما ينفع)

مصدر لدراسة تثبت ان هالماده تساعد على تقليل نسبة هرمون الاستروجين:
http://www.ncbi.nlm.nih.gov/m/pubmed/9168187/

مصدر لبحث يتكلم عن فوائد هالمادة وكيف أنها تساعد في علاج التثدي عند الرجال وايضا تقلل من احتمالية كفاكم الشر سرطان الثدي عند النساء:
http://nutrientjournal.com/indole-3-carbinol-inhibits-estrogen-metabolism/

خلاصة الكلام،

نصيحة لوجه الله للشباب والبنات اذا البروكلي ما يسبب لكم غازات كثروا منه وإذا يسبب لكم غازات كلوا خردل بداله فيه تقريبا نفس الفوائد.