خدعوك فقالوا..رياضة المقاومة توقف النمو !! وايش اسباب تجمع الدهون ؟؟!!

Growth Hormone

بداية سبب وجود الدهون في منطقة الفخذ والارداف والزند هو ارتفاع نسبه هرمون الاستروجين (الانثوي)! هذا ليش اغلب البنات يعانون من السمنه في هذي المناطق, وبالنسبة لموضوع توقف النمو او Growth Hormone بتكلم عنه بعد ذكر اسباب تجمع الدهون وايضا بذكر اكلات تسرع من عملية الايض (حرق الاكل وتحويله الى طاقة).

Growth Hormone

بالمختصر بدون لا ادخل بكلام علمي

هذا الهرمون يزيد من نسبة المستقبلات الادرينالية الفا في الفخذ والارداف والزند (هي المستقبلات الي تمنع للجسم من حرق الدهون) دخلت بالعلمي؟ اسف المهم هذا ليش صعب على البنت تخسر الدهون في هذي المناطق, لان نسبة هذي المستقبلات عالية في هي المناطق, عشان تفهمون الموضوع حطوا في بالكم ان هذي المستقبلات عبارة عن المدير وهو يحدد اذا يحرق الدهون او يمنع حرق الدهون ، اذا زادت نسبته تقل نسبة حرق الدهون في هذي المناطق واذا قل نسبته تزيد نسبة حرق الدهون في هذي المناطق, وضحت الصوره؟ ولا لو ساكت احسن لي؟ المهم حاولت اوصلها لكم وانتوا عاد حللوا بالموضوع.

Growth Hormone

ياخي اترك عنك مستقبلات ومش عارف ايش وقول كيف نحرق الدهون في الفخذ والارداف والزند ترا فخوذنا وزنودنا كل مالها وتتفلطح وتصير مثل طفاحيات البحر؟

الحل سهل, نقلل من الهرمون الانثوي الاستروجين وايضاً من نسبة هذي المستقبلات الادريناليه الفا في هذي المناطق.

طيب كيف ؟

مصدر يثبت ان ارتفاع هرمون الاستروجين هو سبب في وجود الدهون في منطقة الارداف والفخذ والزند:

http://www.metaboliceffect.com/female-effect-hormones-determine-female-fat-patterns/

Growth Hormone

طيب انا ولد وضعيف من كل جهه بس فخوذي كبار ايش معناتها ؟

نفس الشي الله يحفظك مرتفع عندك هرمون الاستروجين.

عاد الحين يجيك واحد ويقولك انا ما اسوي رياضة مقاومة لانها توقف النمو!!

ياجماعه رياضة المقاومه ما توقف النمو!!! ياجماعة رياضة المقاومه ماتقصر الانسان!!! حبه حبه معاي، ايش الهرمون المسؤول عن النمو؟

الهرمون المسؤول عن نمو الانسان اسمه هرمون النمو بالانجليزي اسمه ( Growth Hormone ) بدون لا ادخل بالتفصيل عنه, عدة دراسات تقول ان رياضة المقاومه تجعل الجسم يفرز هذا الهرمون بزيادة!! دراسة تثبت ان ممارسة رياضة المقاومه تزيد من افراز هرمون النمو عند الصغار بالعمر وايضا الكبار بالعمر ولكن عند الصغار اكثر:

http://www.ncbi.nlm.nih.gov/m/pubmed/2796409/

دراسة ثانيه ايضا تثبت ان رياضة المقاومه تزيد من افراز هرمون النمو:

http://www.ncbi.nlm.nih.gov/m/pubmed/12797841/

بعد وش تبون ؟ يا جماعة سالفة ان رياضة المقاومه توقف النمو وتقصر الانسان تراها سالفة غبيه وتفشل اتركوها عنكم,بالعكس رياضة المقاومه تساعد على نمو الانسان! عيالكم صغار بالعمر وحابين يرفعون اثقال؟ دخلوهم نوادي وخلوا عنكم هذا المعتقد الفاشل

Growth Hormone

طيب متى الرياضة تأثر على النمو(Growth Hormone) ؟

قبل لا اقولكم متى الرياضة تأثر على النمو احب اوضح شغله هذي النقطه لكل انواع الرياضه من كرة قدم وكرة سلة وركض وايضاً المقاومه, الوقت الوحيد اللي الرياضة بكل انواعها تأثر على النمو هو عند حدوث اصابه وتحديداً كسر المفصل, ليش؟

لان بين كل عظمتين متصلين في شي اسمه ( Growth Plate ) وهو المسؤول عن نمو العظام اذا انكسر هنا يؤثر الرياضه على النمو, اكرر الاصابه يمكن تحدث من لعب كرة قدم وسله ورفع الاثقال وغيرهم من رياضة.

اقرا ايضا : كيف نخسر وزن أكثر شي خلال فتره قصيره جدا لمناسبه معينه؟!!

طيب ايش الاكلات اللي تسرع من عملية الايض ؟!

اكلات تسرع عملية الايض (حرق الاكل وتحويله الى طاقة):

١. بياض البيض

لان يعتبر بروتين صافي تقريباً ومثل ماقلت قبل البروتين يسرع عملية حرق الاكل!

٢. اللحوم الصافيه

مثل صدر دجاج او ستيك فيليه لان ايضا يعتبر تقريباً بروتين صافي مو بس كذا انت تحتاج ثلث سعرات اللحوم الصافيه عشان بس تهضمه يعني لو صدر دجاج فيه 300 سعره انت تحتاج منهم تسعين سعره فقط لهضمه!

٣. الماء وتحديداً الماء البارد

Growth Hormone

ياجماعه الجفاف عدو جسم الانسان! اذا وصلت جسمك للجفاف تعتقد ان جسمك بيقولك تكفى ارويني؟ تكفى اسقيني؟ طبعا لا راح يبطىء عملية حرق الاكل وراح يخشن جلدك وراح يطيح شعرك وراح يفقدك نظرك وراح يصدع راسك وبلاوي ثانيه! لا تتذاكى على جسمك! وكثر من الماء البارد, تدرون ليش؟

لان الجسم يحتاج يدفي الماء لدرجة الجسم وعشان يدفي الماء يحتاج طاقه فالماء البارد افضل من الماء الدافي بكثير.

٤. الفلفل الحار, تدرون ليش؟

لانه يحتوي على مادة الكابسيسن تدرون ايش هذي الماده؟

هي الي تعطي الفلفل حرارته و تسرع عملية حرق الاكل,ماتشوف الهنود يمثلون ست ساعات بافلامهم وكأنهم البخت؟ لا وكل نص ساعه يدورونها رقصه,من وين لهم هذي الطاقه؟من الفلفل! اكل فلفل الله يحفظك

٥. الشاي الاخضر وشاي الصيني الاسود والقهوه السوداء

لان فيهم كافين وايضاً لان الشاي فيه مواد مضادة للاكسده واهمها ماده اسمها ( EGCG ) تدرون هذي الماده ايش تسوي؟ تحرق الدهون حرق

مصدر لعدة دراسات تثبت ان مادة ( EGCG ) تعتبر ماده جباره لحرق الدهون :

“http://drhoffman.com/article/egcg-potent-extract-of-green-tea-2/”

يعني من الاخر، اذا نظام اكلك مافيه الي مذكورين فوق ماتشوف شر من النوع الفاخر.