ايش هي الرياضة اللي وزنهم زايد لازم يمارسونها عشان اجسامهم ماتترهل؟

كلنا نعرف ان هناك رياضات تقوم بحرق الدهون(fat burning sports) بشكل كبير عند الالتزام بنظام غذائي جيد وبتمارين وتدريب محكم ولكن عشان ماتترهل او بمعنى اخر اللي اوزانهم زايدة عشان ما يترهلون ,

وقبل لا اقولكم لازم اذكركم ان بسبب قلة ممارسة الرياضة العضل عندهم يكون ضعيف وهزيل… حلوين؟ نكمل..

وبسبب خربطة بالاكل كمية الدهون عندهم عاليه… حلوين؟ نكمل..

يعني لازم يلعبون رياضة تبني عضل وتحرق دهون وايضا رياضة تنزل الوزن على الميزان… حلوين؟ نكمل…

fat burning sports

١. ايش هي الرياضة الوحيدة اللي تبني العضل؟

رياضة المقاومة مثل رفع الاثقال

٢. ايش الرياضة اللي تحرق دهون؟

رياضة المقاومة نفس رفع الاثقال والرياضة الهوائية مثل المشي

٣. ايش هي الرياضة اللي تنزل الوزن على الميزان؟

الرياضة الهوائية مثل المشي

لو نلاحظ من الثلاث اسئلة ان الجواب هو لازم اللي وزنه زايد وحاب يضعف يمارس رياضة المقاومة والرياضة الهوائية

طيب ايش يصير اذا شخص فقط مارس رياضة الهوائية؟

لو نلاحظ من الثلاث الاسئلة ان ماراح يبني عضل، لكن راح يحرق دهون وينزل وزنه يعني بالعامي يترهل جسمه وخواصره تصير كانهم كيس رمل .

طيب ايش يصير اذا شخص فقط مارس رياضة المقاومة؟

لو نلاحظ من الثلاث الاسئلة ان راح يبني عضل ويحرق شحم لكن ماراح ينزل وزنه بالميزان يعني بالعامي الشكل يتغير لكن الوزن مايتغير يعني يصير كأنه جسم مصارع.

يعني, الي وزنه زايد وحاب يضعف لازم يمارس رياضة المقاومة بعد تناول وجبه

ويمارس رياضة الهوائية اما على معده فاضية او بعد ممارسة رياضة المقاومة ولنتيجه اسرع يمارس هوائية مرتين باليوم الاول على معده فاضيه وبعد مقاومة

fat burning sports

طيب على ايش اركز اكثر المقاومة ولا الهوائية؟

اذا تبي تغير شكل سريع العب مقاومة اكثر لكن نزول الرقم على الميزان راح يكون ابطىء.

واذا تبي نزول الرقم على الميزان سريع العب هوائية اكثر لكن تغير الشكل راح يكون ابطىء

واذا تبي نزول الوزن بالميزان وتغير شكل بنفس الوقت ركز بالاثنين بالتساوي.

المهم، كل الي وزنه زايد لازم يمارس رياضة رفع الاثقال واذا ما مارس راح يترهل الجسم .

fat burning sports

اقرا ايضا : افضل طريقة لعدم الملل من ممارسة الرياضة الهوائية او الكارديو!

من الاخر,

اذا لبست تي شرت وشفت اشياء غريبة تطلع من الجنب؟ العب مقاومة وهوائية بارك الله فيك

مدرب قايلك لازم تضعب اول بعدين ترفع اثقال؟ احشره بزاويا واربطه ودق على الشرطة بلغ عنه مشعوذ نصاب لان احتمال هذا مدرب تيوس مو بشر .

fat burning sports

طيب في ناس تقول اذا تركت رياضة رفع الاثقال العضل راح يتحول شحم ويصير جسمك فلم رعب خايس

ارجع واقول مايشوف شر اللي يصدق هذي الخرافات!

انتوا بس حطوا تكوين الجسم في بالكم وكل هذي المعتقدات الي انا اسميها خرافات تنسونها!

جسم الانسان يتكون من الاتي:

١. عظم فوقه

٢. اعضاء وعضل فوقه

٣. دهون فوقه

٤. جلد

لو اسألكم ممكن الجلد يتحول عضل؟ طيب ممكن الدهون يتحول عظم؟ طبعا لا! ومستحيل ومش ممكن وناهي ونو! طيب ليش تصدقون ان الانسان اذا ترك رياضة المقاومه العضل يتحول الى دهون ليش؟

تدرون ايش يصير اذا الشخص ترك رياضة المقاومه؟

العضله تصغر وبس! يعني العضله ماتتحول الى دهون ولا بطيخ!

طيب بتقولون ليش اللي كانوا يرفعون اثقال وتركوها اختربت اجسامهم؟

انا اقولكم ليش,

لانه ترك رياضة رفع الاثقال فصغرت العضله… حلوين؟

وبعدها خربط بالاكل وزاد الدهن! فيخترب الجسم! اصلا لو تترك اي رياضة حتى كرة القدم وتخربط بالاكل جسمك راح يخترب!

fat burning sports