لو تعرفون فوائد البطيخ والافوكادو ما تتركونه ؟؟!!
في هذا الموضوع بتكلم عن بعض من فوائد البطيخ و الافوكادو (Watermelon and avocado) بطريقة سهله
ضيفوا افوكادو في اخر وجبه باليوم وهاااات جسم موديل هااااته! ليش؟
قبل لا اقولكم ليش، اقروا بارك الله فيكم فوائد الافوكادو غير سالفة انه دهون صحيه:
Contents
- 1 Watermelon and avocado
- 2 ١. ملياان حمض اميني اسمه قلوتاثيون!
- 3 Watermelon and avocado
- 4 ٢. متروس بوتاسيوم اكثر من الموز تدرون ايش يعني؟
- 5 ٣. فيها كل الاحماض الامينيه الاساسية!
- 6 ٤. كل افوكادو فيها ١٣ غرام الياف!!! هلا هلا .
- 7 Watermelon and avocado
- 8 طيب نرجع للموضوع الاهم,ليش نضيف افوكادو في اخر وجبه باليوم؟
- 9 ١. يزيد حساسية الخلايا العضليه للانسولين
- 10 ٢. يقلل نسبة السكر بالدم وينظم افراز الانسولين
- 11 طيب مره ثانية ليش نضيف الافوكادو في اخر وجبه؟
- 12 Watermelon and avocado
- 13 وتدرون ان اغلب فوائد البطيخ🍉 بالبذور وتقل فوائد البطيخ اذا شلتوا البذور؟
- 14 ١. فيه نسبة ممتازه من المغنيسيوم
- 15 ٢. فيه نسبه ممتازه من مجموعة فيتامين ب
- 16 ٣. فيه نسبه ممتازة من البروتين!
- 17 Watermelon and avocado
- 18 Watermelon and avocado
- 19 المهم الدراسة كانت في ايطاليا على ٢٤ رجل يعانون من ضعف الانتصاب (ركبهم ترجف):
- 20 من الاخر..
Watermelon and avocado
١. ملياان حمض اميني اسمه قلوتاثيون!
باختصار هو اهم الاحماض الامينيه الي تقوي جهاز المناعه ويعتبر اقوى مركب مضاد للاكسده تدرون ايش يعني؟ يعني يحارب الخلايا السرطانيه! ويساعد الجسم على محاربة كل الجراثيم ويمنع الخلايا من التأكسد! مو بس كذا وموجود بكثره بالكبد يعني هو طارد للسموم مع مرتبة الشرف! مو بس كذا ويساعد على بناء حمض النووي واعادة بناء الاحماض النوويه المتلوفه! وايضا يساعد على زيادة نسبة التستسترون الطبيعي تدرون ايش يعني؟ يعني يساعد على زياده في الكثافه العضليه! وايضا كمية الحيوان المنوي. وغيره الكثير!!! يعني سالفة الركب ترجف وتكحكح انساها ,وش تبون بعد بس باقي هالحمض يقوم ويتمرن بدالك.
Watermelon and avocado
٢. متروس بوتاسيوم اكثر من الموز تدرون ايش يعني؟
يعني انسى سالفة احتباس الماء يعني سالفة بطنك يصير كأنه بطن كنغر طايح انساها.
٣. فيها كل الاحماض الامينيه الاساسية!
بعد مايبيلها اشرح هذي النقطه لان اذا قاعد تعدل جسمك وماتعرف فائدة الاحماض الامينية الاساسية قوم بيع بط ابرك لك .
٤. كل افوكادو فيها ١٣ غرام الياف!!! هلا هلا .
وبعد فيها مميزات لو اتكلم عنها احتمال اتحنط بمكاني لان ماتخلص.
من الاخر،،،
اغلب مدربين بناء الاجسام العالميين يحطون افوكادو ضمن نظام الغذائي للاعبينهم!
Watermelon and avocado
طيب نرجع للموضوع الاهم,ليش نضيف افوكادو في اخر وجبه باليوم؟
لان فيه نوع كاربوهيدرات اسمه مانوهيبتلوز!!! هذا النوع من الكاربوهيدرات سحر! تدرون وش يسوي؟
١. يزيد حساسية الخلايا العضليه للانسولين
يعني تضمن ان العضل يستفيد من الكاربوهيدرات بدال الدهون.
٢. يقلل نسبة السكر بالدم وينظم افراز الانسولين
يعني من الاخر اذا تتمرن وتنام مضبوط والاكل الي تاكله الجسم راح يستفيد منه بدال لا يخزنه كدهن! .
مصدر لدراسة تثبت كل هذا!
http://m.fasebj.org/cgi/content/meeting_abstract/23/1_MeetingAbstracts/553.1
اقرا ايضا : هل لازم اهتم بالسعرات الحرارية لنظامي الغذائي؟!
طيب مره ثانية ليش نضيف الافوكادو في اخر وجبه؟
لان هذا النوع من الكاربوهيدرات يمنع ارتفاع سكر الدم واذا نمت وسكر الدم منتظم جسمك ايش راح يسوي؟ راح يفرز هرمون النمو اكثر يعني اشي حرق دهون واشي بناء عضل وغمض فتح الا انت صاير موديل بلاس فيغاس .. خير ان شاء الله
المهم ركز معاي الله يخليك , اذا كان بطنك دائري ويابس واذا انسدحت يصير كأنه سنام بعير,قوم تمرن وضبط اكلك وضيف افوكادو لنظامك بارك الله فيك.
Watermelon and avocado
وتدرون ان اغلب فوائد البطيخ🍉 بالبذور وتقل فوائد البطيخ اذا شلتوا البذور؟
اقروا بارك الله فيكم فوائد بذور البطيخ للناس الي حابه تعدل جسمها:
١. فيه نسبة ممتازه من المغنيسيوم
تدرون ان الانسان مايستفيد من البروتين الي ياكله اذا كانت نسبة المغنيسيوم بجسمه قليله؟ تدرون الجسم يحتاج مغنيسيوم عشان يهضم ويصنع البروتين؟ يعني انسى تبني عضل اذا نسبة المغنيسيوم بجسمك نازله وايضا يحتوي على نسبة ممتازة من البوتاسيوم اللي يمنع الشعور بالعطش!
٢. فيه نسبه ممتازه من مجموعة فيتامين ب
باختصار، تدرون ليش اغلب اللي يرفعون اثقال بعد فتره يحسون بتعب وخمول وتقل عندهم المناعة ومن السهل يجيهم سخونه وانفولونزا ؟ لان نسبة مجموعة فيتامين ب بأجسامهم قليله وهذي مجموعة مهمه جدا لتقوية المناعة وصحة الدم!
٣. فيه نسبه ممتازة من البروتين!
وايضا يحتوي على نسبة ممتازه من الاحماض الامينيه الاساسية!! .
Watermelon and avocado
اقروا هذي دراسة..
اكتشفوا ان بذور البطيخ علاج طبيعي وفعال لعميلة الانتصاب!! تدرون ليش؟
لان يحتوي على حمض اميني اسمه سيترولين! ايش سالفة هذا الحمض؟
هذا الحمض بعد ما يهضمه الانسان يتحول الى ارجنين والارجنين يزيد من تصنيع اكسيد النتريك اللي يزيد من تدفق الدم في الشرايين يعني اولاً يزيد من وصول الاوكسجين للعضلات اللي من خلاله تزيد كمية وصول الطاقه والتغذيه للعضل وايضا تزيد من الانتصاب! يعني بالعامي احتمال زوجتك توافق انك تتزوج عليها بدال الوحده اربع! بس عاد انت اثقل ولا تصير خفيف
يعني اذا انت من الناس الي ركبك ترجف من اول مره هلا هلا في بذور البطيخ !! يعني اذا انت مافيك شده تشيل تيس على كتفك وتمشي وبتتزوج قريب هلا هلا في بذور البطيخ !
Watermelon and avocado
المهم الدراسة كانت في ايطاليا على ٢٤ رجل يعانون من ضعف الانتصاب (ركبهم ترجف):
اول شي عطوهم حبه وقالولهم ان هذي الحبه تساعد على زيادة قوة الانتصاب لكن بالواقع مافيها شي وبعد شهر ماصار تغير بالنتيجة.
بعدها اعطوهم حبه تحتوي على هذا الحمض اللي موجود في بذور البطيخ سيترولين وبعد شهر اكتشفوا ان اغلبهم تعالجوا من ضعف الانتصاب وزادت عندهم رغبة حبني واحبك!!
مصدر الدراسة:
http://www.ncbi.nlm.nih.gov/m/pubmed/21195829/
ودراسة ثانية تقول ان البطيخ مع البذور تعتبر علاج فعال للناس اللي تعاني من شد العضلي بعد التمرين وتحديدا تمارين الرجل
مصدر للدراسة:
http://pubs.acs.org/doi/abs/10.1021/jf400964r?source=cen&
من الاخر..
شغل قطعي لي بطيخه وشيلي البذور واكليني اياها ماينفع الله يحفظك اثقل واكل البذور بارك الله فيك واترك عنك شغل مسلسل حريم السلطان .
التعليقات مغلقة، ولكن تركبكس وبينغبكس مفتوحة.