كيف تعرف انه عندك رغبة قوية لاكلات معينة؟؟!او بما يسمى شهوة الاكل
يمكن تشوف الموضوع عنوانه غريب ولكن صحيح هناك شهوات للاكل المعروف بمصطلح (appetite of food) لابد كل واحد ينتبه لها وراح اذكر سبب كل وحده منهم وطريقة تفاديها
Contents
شهوة الاكل (appetite of food) ثلاث:
١. الاكلات الدسمه
٢. الموالح او الاكلات المالحه
٣. الاكلات الحلوه
سبب شهوة اكلات دسمة :
سببها هو عدم انتظام في اوقات الاكل, يعني بالعامي تجوع نفسك! الكثير من الناس للاسف تشوفهم ماياكلون الا وجبه وحده باليوم لانهم خايفين انهم يمتنون ومع هذا اذا اكلوا تلاقيهم ياكلون الاخضر واليابس واذا شافوا برجر او كبسات ينسون حتى اسمهم وياكلون ويتحسفون بعدها,تدرون ليش؟
لان كل خلايا الجسم يتكون جزء منها من دهون,فاذا حرمت نفسك لمده طويله من الاكل، الخلايا ترسل اشارات للمخ انها تحتاج دهون لكي تصنع خلايا جديده,بعدها المخ شيسوي؟ يرقص؟ يندب حظه؟
اكيد لا بيخليك تشتهي البرجر والبطاط والكبسات!
(appetite of food)
طيب ايش الحل؟
الحل عشان مانخربط بالاكلات الدسمه وبنفس الوقت نعطي الخلايا الدهن اللي يحتاجه هو ان ناكل ماكولات تحتوي على دهون مفيده اول مانشعر اننا مشتهين اكلات دسمه مثل:
١. قبضة لوز او جوز او فول سوداني
٢. افوكادو
٣. اضافة ملعقه صغير من زيت الزيتون للسلطه
٤. اكل ملعقه زبدة فول سوداني او لوز
يعني من الاخر، دايما خل معاك مكسرات، اول ماتحس انك تبي برجر وهذي السوالف اكل المكسرات
اذا الى الان حاس انك مشتهي, لا حول ولا قوة الا بالله اكل وراجع طبيب نفسي … لا لا امزح
سبب شهوة اكلات المالحه:
باختصار هو الجفاف، قلة شرب الماء او كثرة شرب القهوه, مثل ما ذكرت لكم قبل اذا الانسان ماشرب ماء كافي باليوم تزيد تركيز الاملاح بالجسم، واذا زاد تركيز الاملاح شيصير؟
كتفك راح يهتز بنفسه وراح تشتهي موالح وتقول اديني حتت لحمه واديني حتت لحمه, بسبب قاعده الاسموزيه اللي تقول الماء ينتقل من مركب تركيز الاملاح اقل الى المركب تركيز الاملاح اعلى,ولهذا السبب تنكمش خلايا الجسم
(appetite of food)
اقرا ايضا : نظام الكيتو وعلاقته بنزول الدهون!!شوف كيف ؟؟!!
طيب ايش الحل؟
ايضا واضحه كثر ماء بارك الله فيك، اذا حسيت انك مشتهي معجنات وغيرها من اكلات المالحه اشرب اول شي ماء او اكل اكلات فيها نسبة عاليه من الماء مثل الخيار والجح (البطيخ)واغلب انواع الفواكه بعدها شوف نفسك تشتهي موالح ولا لا اذا الى الان مشتهي لا حول ولا قوة الا بالله الكرش يبيك بسالفه.
سبب شهوة السكريات:
هو قلة النوم، والتوتر وتناول اكلات عاليه السكر, ايش علاقة قلة النوم والتوتر بالسكريات؟
مثل ماذكرت قبل يوجد علاقه عكسيه بين قلة النوم والتوتر والهرمون المسؤل عن الاحساس بالجوع فاذا انت ماتنام مضبوط هرمون الجوع يرتفع لان الجسم يحتاج طاقه عشان يستمر في العطاء (شرايكم بيستمر في العطاء؟ احسها كلمة محفزة ) المهم المخ وقتها ايش راح يسوي؟ بيقولك بابا اثقل ونام؟
طبعا لا,راح يرسل اشارات تخليك تشتهي الحلو عشان تعطيها طاقه سريعه لتشتغل, واذا اكلت اكلات عاليه السكر ايش راح يصير؟
راح يرتفع نسبة السكر بالدم فتصدم البنكرياس وراح تجعلها تفرز كمية عاليه من الانسولين واذا صار ارتفاع مفاجىء للانسولين شيصير؟
بعدها بساعه بالكثير راح ينخفض للحد الادنى واذا انخفض شيصير؟
راح تجوع مره ثانيه وراح تشتهي ايضاً سكريات وعلى هل نظام الين الزغاديد تتربى وتكبر وشكلك من بعيد تصير كانك لابس طفاحيات البحر على خواصرك.
طيب والحل؟
جدا سهل انك تنام باليوم مايقارب ٦-٨ ساعات حتى لو مقسمه بين نوم الليل والعصر مافي مشكله، اما اذا انت حسيت انك مشتهي حلو اكل اول شي فاكهه وشوف وضعك اذا الى الان مشتهي حلو اكل بشرط ان يكون معاه مصدر بروتين او دهون غير مشبعه عشان تبطىء عملية الهضم ومايرتفع عندك السكر والانسولين بسرعه مثال:
١. روب يوناني مع فاكهه
٢. موز مع زبده فول سوداني او زبدة لوز
٣. عنب مع جبن
(appetite of food)
اما حل للتوتر والضغط النفسي بعد روح عند شيخ يقرى عليك او دكتور يعالجك… مين قالك اني بتاع كلو؟ لا لا امزح تكلمت عنه من قبل طلع طاقتك السلبيه بالنادي واديها وحشنا
التعليقات مغلقة، ولكن تركبكس وبينغبكس مفتوحة.