افضل طريقة لعدم الملل من ممارسة الرياضة الهوائية او الكارديو!
اغلبنا نتملل من الكارديو (Boredom from cardio) اصلا قليل جدا اللي مايطفشون من الكارديو فايش الحل؟
Contents
الرقص
تعتبر اكثر رياضة هوائية فعاله وما تملل عند البنات يعني من الاخر اذا تبين تحرقين ام الي جابت الدهون وماتبين تملين هلا بالرقص نفس الشي للشباب الي يحبون الهشك بشك ترى الرقص زين بس لا تشتط وتسوي رقصة مرح الناقة الله يحفظك.
Boredom from cardio
طيب الي مايحب الرقص ايش الحل؟
للناس اللي عندها لياقة وما تحب الرقص افضل رياضة هوائية لهم هي الرياضة اللي تكون فيها تحدي مثل كرة القدم والسلة وغيرها بشررط لازم الشخص يكون عنده لياقة عشان مايحرق عضل
طيب الي ماعنده لياقة ايش الحل؟
في دراسة من امريكا كانت على ٤٦ مشترك يبون يشوفون ايش افضل طريقة يمارسون فيها رياضة هوائية عشان ما يملون وايش اكتشفوا؟
اكتشفوا إن أفضل طريقة هو انك دايما تبدأ في اعلى شدة وتقلل الشدة تدريجياً لين توصل الى مستوى الراحة!
كيف يعني ؟
يعني كمثال اذا كنت على جهاز المشي و تريد أن تمشي لمدة ٢٠ دقيقة ماذا تفعل؟
في بداية الدقيقتين الأولى ترفع الجهاز الى ١٥٪ مع ثبات في السرعه وكل دقيقتين تنزل درجة ارتفاع الجهاز الى ان تصل الى نقطة الراحة في آخر دقيقة
مثال ثاني اذا كنت على جهاز الدرج وتبي تلعب لمدة ربع ساعه ايش تسوي؟
في بداية الدقيقتين الأولى تضع سرعة الجهاز ١٠ وكل دقيقه او دقيقتين تقلل السرعه الى ان تصل لاقل سرعة في آخر دقيقة
مصدر الدراسة:
https://www.ncbi.nlm.nih.gov/m/pubmed/27390185/
اقراء ايضا : كيف تعرف انه عندك رغبة قوية لاكلات معينة؟؟!او بما يسمى شهوة الاكل
Boredom from cardio
كثيرمن الناس تزهق من الكارديو (رياضة الهوائية) مثل المشي والجري والرقص طيب ايش الحل اذا انت مليت من الكارديو وتبي تحرق دهون ؟ تلعب تكنيك حق تمارين الحديد اسمه
سيركت (Cercuit)
اقروا بارك الله فيكم..
دراسة من جامعة شيلي قارنت بين ٤٤ امرأه جعلوا نصهم يتمرنون كارديو لمدة ٤٠ دقيقة ونص الثاني يرفعون اثقال بتكنيك سيركت (Cercuit) لمدة ٤٠ دقيقة وعطوهم نفس الاكل وبعد ثلاث اسابيع ايش اكتشفوا؟
١. المجموعتين قلة عندهم الكلسترول الضار
٢. المجموعتين احرقوا نفس كمية الشحم
٣. المجموعتين قل عندهم عرض الخصر نفس الشي!
مصدر الدراسة:
https://insights.ovid.com/crossref?an=00124278-900000000-95691
ايش يعني؟
اذا يوم من الايام مليت من الرياضة الهوائية ومالك خلق العب هالتكنيك وراح تحرق نفس كمية الدهون الي راح تحرقه اذا لعبت رياضة الهوائية.
Boredom from cardio
طيب ايش هو تكنيك سيركت (Cercuit)؟
مثال اليوم عندك ٦ تمارين ظهر ايش تسوي؟
تلعب اول تمرين بدون لا تريح تسوي تمرين الثاني بدون لا تريح تسوي تمرين الثالث بعدها الرابع والخامس والسادس وبعد ماتخلص السادس تريح دقيقه الى دقيقتين وتعيد التمارين كلها
باختصار تسوي كل التمارين لعضلة واحدة في نفس الجولة وبعدها تريح وتعيد التمارين لين تخلص كل جولات المطلوبه يعني لو مطلوب منك ٣ جولات تكون عندك ٣ دورات على التمارين وبعد ما تخلص تروح العضلة الثانية اذا كانت عندك وبس.
كم الوزن الي ترفعه؟ الوزن الي يتعبك عند اخر تكرارين
طيب كم ؟ ماقدر احدد كل إنسان عنده قوة تحمل تختلف عن الثاني كيف بحدد الوزن كيييف ؟
Boredom from cardio
غلط يقعون فيه معظم البنات ويعتقدون ان الرقص يشد الجسم
الكثير من البنات يعتقدون ان رياضه الهوائية كافيه لتعديل اجسامهم ورياضة المقاومه مثل رفع الاثقال تخليهم يعضلون مثل الرجال! وهذا اكبر غلط غلط والف غلط! لان
اولا
رياضة الهوائيه نعم تضعفكم لكن ماتشكل الجسم لان اساسا العضله ما قاومت وزن عشان تكبر
ثانياً
مستحيل تعضلون مثل الرجال لان اهم هرمون لبناء العضل هو هرمون رجالي اسمه تستسترون وهذا الهرمون اجسامكم تفرز قليل جداً منه
يعني مثال اذا الرجال يحتاج سنه عشان يبني عضل اغلب البنات يحتاجون خمس سنين عشان يبنون نفس العضل اللي بناه هذا الرجل خلال سنه.
التعليقات مغلقة.