تعرف على اهم عامل لتعديل الجسم !!معقول ؟؟!!

كلنا اتفقنا الحين ان اهم عامل لتعديل الجسم هو النفسيه,وكلنا اتفقنا ان اذا نفسيتك تعبانه صعب تحرق دهون وصعب تبني عضل, وكمان اتفقنا ان كل هذا يعود بسبب ارتفاع هرمون باجسامنا اسمه هرمون الكورتيزول (cortisol hormone) .. حلو؟ حلو

وكمان اتفقنا ان من اكثر الاوقات اللي الجسم يفرز هذا الهرمون هو بعد التمرين مباشره وهذا الشي يبطىء عملية اعادة بناء العضل,حلو؟ حلو

طيب ايش نقدر نسوي عشان نقلل من افراز هذا الهرمون خاصة بعد التمرين؟

اقروا بارك الله فيكم:cortisol hormone

١٥٠٠ ملي غرام قبل التمرين بساعه من فيتامين ج Vitamin C

يحرق ام الي جابت هذا الهرمون خاصه بعد التمرين! دراسة كانت على ٤٥ عداء ماراثون قسموهم الى ثلاث مجموعات:

١. المجموعة الاولى: ماعطوهم شي قبل التمرين

٢. المجموعة الثانية: عطوهم ٥٠٠ ملي غرام من فيتامين ج قبل التمرين

٣. المجموعة الثالثة: عطوهم ١٥٠٠ ملي غرام قبل التمرين

اكتشفوا ان نسبة هرمون الكورتيزول في المجموعة الثالثة اقل بكثير من المجموعة الاولى والثانية مع بعض!

مصدر الدراسة:

http://www.ncbi.nlm.nih.gov/m/pubmed/11590482/

وهذا مصدر لدراسة ثانية كانت على ناس تعطي محاضرات لمجموعة كبيره واكتشفوا ان ١٠٠٠ ملي غرام من فيتامين ج كفيلة انها تحرق ام هرمون الكورتيزول عند المحاضر:

http://www.ncbi.nlm.nih.gov/m/pubmed/11862365/

تدرون ايش يعني؟

يعني اذا اكلك ممتاز وتمرينك قوي وتنام زين وتاخذ ١٥٠٠ ملي غرام من فيتامين ج قبل التمرين راح تبني عضل اسرع من الي ماياخذ! مو بس كذا ,كل ما قل نسبة هرمون الكورتيزول كل مازاد نسبة هرمون التستسترون! لان بينهم علاقة عكسية!

مصدر لدراسة تثبت علاقة هرمون كورتيزول بهرمون التستسترون:

http://www.ncbi.nlm.nih.gov/m/pubmed/15618989/

تدرون ايش ثاني حل لتقليل من هرمون الضغط النفسي والتوتر الي يسبب صعوبه في نزول الدهون وصعوبه في بناء العضل ويخرب الجسم تخريب,اللي يخليك تصير كأنك بطريق لابس ثوب ؟ هو انك تزيد لياقتك!

اقروا بارك الله فيكم: هرمون الكورتيزول

دراسة كانت على مجموعه من الشباب وقسموهم الى ثلاث مجموعات:ء

١. المجموعة الاولى: كانوا لاعبين عندهم لياقة عالية

٢. المجموعة الثانية: كانوا لاعبين عندهم لياقة متوسطه

٣. المجموعة الثالثة: كانوا ناس ماعندهم لياقة .

حطوا الثلاث مجموعات في موقف صعب يسبب ضغط نفسي وبعد الموقف افحصوهم واكتشفوا الاتي:

١. كانت نسبة افراز هرمون الكورتيزول عند المجموعه الاولى اقل بكثير من باقي المجموعات

٢. كانت نبضات القلب للمجموعه الاولى منتظمه ومارتفعت كثير مقارنة بباقي المجموعات

مصدر الدراسة:

http://www.ncbi.nlm.nih.gov/m/pubmed/18922645/

الخلاصة:

كل ما قل لياقة الشخص كل مازاد عنده افراز هرمون الكورتيزول وكل ما ارتفع عند الشخص نبضات القلب

تدرون ايش يعني؟

١. يعني كل مازاد هرمون الكورتيزول كل ماقل هرمون التستسترون وهرمون النمو, يعني انسى تبني عضل,يعني انسى سالفة جسم موديل,يعني احتمال لو تتزوج من اول يوم ركبك ترجف ومافيك شده تكمل .

٢. مو بس كذا ، كل مازاد هرمون الكورتيزول كل ماقل نسبة حرق الدهون وكل مازاد نسبة احتباس الماء تحت الجلد .. يعني من الاخر جلد بطنك يصير كأنه ارفف خامات تتصفط فوق بعض.

٣. ازيدكم من الشعر بيت، بسبب قلة اللياقة معناته ان قلبك يصير خيخه على ادناة الدون يرتفع نبضاته واذا ارتفع نبضاته ووصل فوق ٧٥٪ من قدرته تدرون وش يصير ؟ يستخدم البروتين اللي بالخلايا وتحديدا العضل كمصدر اساسي للطاقة يعني خذها من الاخر جسمك راح يترهرط.

طيب كيف تزيدون لياقتكم؟ cortisol hormone

تلعبون رياضة هوائية بعد تناول وجبه بساعه او ساعتين او تلعبونها قبل المقاومة

من الاخر،

انت بنص امتحان وتوهقت مو عارف تحل شي وقمت تعرق وفيك البكية ؟ قوم واركض زيد لياقتك عشان ينزل هرمون الكورتيزول.

البطن اليابسة والبطن اللينة ايش الفرق بينهم؟؟!!

الكثير من الناس تعاني من مشكلة الانتفاخ (غازات) بعد الاكل

واحياناً توصل مواصيل كرشة مدرس رياضيات بالثانوية, المهم اللي يعاني من هذي المشكله انصحه يبتعد او يقلل من هذي الاكلات:

١. القمح والشاودار (او الجاودار – rye) (الخبز والتوست وكورن فلكس وغيرهم) cortisol hormone

لان في بعض الناس عندها حساسيه من بروتين اسمه قلوتين واغلب الاكلات اللي تحتوي على قمح او شاودار فيهم قلوتين فالحل اما تبتعدون عنهم او تبحثون عن منتجات مكتوب عليها خالية من قلوتين.

مصدر لدراسة تثبت ان القمح سبب رئيسي للانتفاخات بعد الاكل عند اغلب الناس بسبب الجلاتين:

http://www.ncbi.nlm.nih.gov/m/pubmed/24440147/

٢. منتجات الالبان

دراسة تهدد وتقول ان ٧٥٪ من البشر يعانون من حساسية سكر الحليب اللاكتوز، يعني ٧٥٪ من البشر اذا شربوا حليب ينتفخون كأنهم حاطين طفاحيات البحر حوالين خواصرهم ، فأفضل حل لهم اما يبتعدون عن منتجات الالبان او يبحثون عن منتجات مكتوب عليها خالية من الاكتوز.

مصدر الدراسة:

http://www.ncbi.nlm.nih.gov/m/pubmed/24443063/

٣. التفاح

لان يحتوي على نوع من انواع السكر اللي ينتمي لمجموعة اسمها “فودماب” المهم من غير ما ادخلكم بكلام علمي هالنوع من السكر صعب الجسم يهضمه فيترسب كغازات بالقولون وهذا مفيد للبكتريا اللي بالامعاء لكن في ناس تتحسس منه ويسبب لهم انتفاخ وتكرمون اسهال ومشاكل غيرها.

مصدر لدراسة تتكلم عن تأثير الفودماب:

http://www.ncbi.nlm.nih.gov/m/pubmed/20659225/

من الاخر،

اذا اكلت خبز واقبلت من بعيد اصحابك مايفرقون بينك وبين بوية البحر… انصحك تبتعد عنهم

اذا شربتي حليب وبطنك انتفخت صار كأنه مسند جلسة عربية انصحك تبتعدين عن منتجات الحليب

بعد ايش تتوقعون اكلات تسبب انتفاخات بعد الاكل ؟cortisol hormone

١. البقوليات

لان نفس التفاح يحتوي على نوع من انواع السكر اللي ينتمي لمجموعة اسمها “فودماب” المهم هالنوع من السكر صعب الجسم يهضمه فيترسب كغازات بالقولون وهذا مفيد للبكتريا الي بالامعاء لكن في ناس تتحسس منه ويسبب لهم انتفاخ وتكرمون اسهال ومشاكل غيرها

الحل؟ نقع البقوليات لفتره قبل لا تاكلها او اكل البقوليات الي لونها اسود لان هضمها اسهل من الي الوانهم فاتحه

مصدر لدراسة تتكلم عن تأثير الفودماب:

http://www.ncbi.nlm.nih.gov/m/pubmed/20659225/

٢. المشروبات الغازية

وليش ذا بعد؟ المخرج عاوز كده, لا لا امزح لانه متروس ثاني اوكسيد الكربون اللي ينفخ البطن حتى يصبح كأنه بطن حوت

٣. خضروات الزهرية نفس البروكلي والزهره,نفس سالفة البقوليات لان فيهم فودماب.

٤. البصل والثوم cortisol hormone

لان فيهم نوع من انواع الالياف الي اسمها الفركتانز وهذا النوع من الالياف قد تسبب عند البعض غازات في البطن

مصدر لدراسة تتكلم عن هالنوع من الالياف:

http://www.sciencedirect.com/science/article/pii/S0924224407002282

من الاخر,

اذا اكلت احد الاكلات المذكوره فوق وبطنك صار كأنه سنام بعير ابتعد عنهم بارك الله فيك.

اذا اكلتي بقوليات وحسيتي ان جلسات وناسة صايره في بطنك ابتعدي عنه بارك الله فيك.

ملاحظه,

هذي المعلومات مو معناته تقطع كل هذا الاكل,بالعكس هذا معناته انك تعرف ايش الاكل اللي ينفخ بطنك منهم وتقطعه.