البطن اليابسة والبطن اللينة ايش الفرق بينهم؟؟!!

البطن اليابسة و البطن اللينة ايش الفرق بينهم ؟soft belly fat vs hard belly

البطن اليابسة والبطن اللينة او تقدر تقول الكرشة soft belly fat vs hard belly

الفرق بين البطن اليابسة والبطن اللينة هو ان البطن اليابس تكون الدهون على الأعضاء مثل الكبد والكلية وتحت جدار البطن (بالعامي ورى عضلة البطن) هذا ليش تكون الكرشة يابسة اما الكرشة اللينة تكون الدهون تحت الجلد أمام عضلة البطن … حلو؟ حلو .. نكمل..لازم تعرفون شي ان الكرشه اليابسة أخطر بكثير من إذا كانت الكرشه لينة , كيف أخطر؟

١. احتمالية الاصابة بمرض السكر وامراض القلب تكون أعلى و احتمالية الإصابة بأمراض الخاصة بالكلى والكبد والبنكرياس أعلى بكثير من إذا كانت الكرشه لينة يعني اذا انت او ابوك او امك بطونكم كبيرة ويابسه لازم  تلحقون على انفسكم وترتبون اكلكم وتلعبون رياضة لازم … حلو؟ حلو .. نكمل…

ايش اسباب ان الواحد تكون عنده كرشة يابسه؟

١. وراثة
٢. قلة الحركة وكثرة تناول اكلات سيئة
٣. ارتفاع من نسبة هرمون الذكورة تستسترون

طيب ايش اسباب ان الشخص يكون عنده كرشة لينة؟

١. سوء التغذية
٢. قلة نسبة هرمون الذكورة التستسترون
٣. ارتفاع نسبة هرمون الأنوثة الأستروجين …
٤. الاكتئاب
٥. قلة الحركة

من ناحية التمارين .

اذا كانت البطن  لينة لازم  تمشون على نظام بناء عضل (تضخيم) لازم ليش؟
لان الجسم يتكون من ايش ؟.
١. عظم فوقه
٢. اعضاء وعضل فوقه
٣. شحم فوقه
٤. جلد

انتوا عندكم الدهون زايد فإذا حرقتوا الدهون بدون لا تبنون عضل ايش راح يصير؟؟؟؟ راح يصير فراغ بين الجلد والعضل وهذا يسبب ما يسمى بالترهلات ايش يعني؟

يعني الي كرشته لينة ويحرم نفسه من الاكل وياكل اكل كتاكيت راح يصير جلد بطنه كأنه جلد بطن كنغر يعني الي تفكر بس تبي تفقد شحم بدون لا تبني عضل قبل راح يصير جلد بطنها كأنه مهاد اطفال فالي كرشته لينة لازم يبني عضل اول بعدها يفكر بفقد الدهون
طيب الي بطنه يابس ايش الحل؟

الحل ابسط من اللي بطنه لين يعني كل الي عليه يمشي على نظام تخسيس (تخسيس مو معناته اكل عصافير بارك الله فيكم) ويلعب رياضة واموره تتعدل لو نلاحظ ان نسبة الخطورة بسبب الأمراض بالبطون اليابسة أعلى من البطون اللينة ولكن طريقة التخلص منها اسهل.

يتم التخلص من السمنة عن طريق الرياضة.

تعرف على الاكلة اللي تساعد على نزول الوزن !! معقول ؟؟

من ناحية التغذية soft belly fat vs hard belly

 ملاحظات هامة بخصوص النظام الغذائي للناس الي عندها كرشة لينة:

١. لازم يكون نظام بناء عضل (ضخامه) سواء شاب او بنت يعني لازم تعرفون كم تحتاجون من كربوهيدرات ودهون وبروتين مايصير تعيشون على البركة!!… حلو؟ حلو .. نكمل…
ولان لازم بناء عضل معناته لازم ترفعون اثقال! يعني سالفة لا ماقدر انا بنت شلون ارفع اثقال اخاف على اظافري وانوثتي أجل قعدي مكانك وقابلي كرشتك الين تصير كأنه جلد بطن كنغر .

٢. لازم تقللون ويفضل تبتعدون عن مصادر الكربوهيدرات الصناعية مثل الباستا والخبز والكورنفلكس وماتاكلونهم الا بالوجبات المفتوحة
٣. يفضل تستخدمون مصدر او مصدرين نشويات مثل الارز و البطاطس و مصدر الكربوهيدرات سريعة الامتصاص مثل نوع واحد من الفاكهة اليوم .

٤. لازم توزعون حاجتكم من الكاربوهيدرات بالتساوي على كل الوجبات عشان ينتظم عندكم سكر الدم وايضاً البروتين.

٥. لازم تضيفون لنظام اكلكم الآتي:
قرفة وخل التفاح ومكسرات نيه او افوكادو وفلفل وكمون .ليش؟ لأنهم يزيدون من حساسية الخلايا العضلية للأنسولين بالعامي الجسم يستفيد من الاكل بدال لا يخزنه كدهن.
ملاحظات هامة بخصوص النظام الغذائي للناس الي عندها كرشة يابسة:

١. لازم تنظمون اكلكم وتحسبون حاجتكم اما على اساس تخسيس او على اساس تضخيم يعني لا تعيشون على البركة ولازم تلعبون الرياضتين مقاومة وهوائية.
٢. افضل نظام تمشون عليه هو نظام صيام ١٦ ساعة باليوم عن اي شي يحتوي على سعرات الحرارية وتاكلون حاجتكم ب ٨ ساعات بس مو شرط.
٣. لازم تضيفون لنظام اكلكم اكلات تساعد على تعديل النفسية مثل: ديك الرومي، اكلات بحرية الدهنيه، (فيتامين C )، مكسرات، البقوليات.