ايش هو الوزن اللي لازم نرفعه عشان نبني عضل ؟؟!!
لازم تعرفون ايش الي لازم يتوفر بحياتكم عشان تتاكدون من بناء العضل .. حلو ؟ حلو .. .
اولا :weight to build muscle
لازم تتأكدون انكم ما تعانون من اي مشاكل صحيه يعني الي فيه نقص حديد لازم يعالجه والي فيه نقص فيتامين D لازم يعالجه والي فيه نقص تستسترون لازم يعالجه وغيرها من الأمور. weight to build muscle
ثانياً :
مستحيل تبنون عضل اذا نظام اكلكم مو نظام بناء العضلات يعني مايصير تعيشون على البركه لازم تعرفون كم تحتاجون من الكربوهيدرات والبروتين والدهون وانصح اي شخص مو عارف ينسق اكله يتبع مع واحد فاهم بالموضوع الى ان يتعلم بعدها يسوي لنفسه.
ثالثاً :
لازم تعرفون ان الوقت الرئيسي الي يصير فيه عملية بناء عضل هو وقت الراحة يعني لازم ترتاحون وتنامون ممتاز لازم
الحين طيب كم الوزن اللي لازم نرفعه ؟ weight to build muscle
الرقم يختلف من شخص لآخر حسب قوته فمافي رقم محدد للكل يعني مايصير كل البنات يرفعون بس ٢ او ٣ كيلو لان في وحده اكيد عندها الامكانية ترفع ٢٠ كيلو والثانية احتمال ٥ كيلو فاول شي لازم تعرفون ان اكثر سؤال غلط تسألون أي مدرب هو كم الوزن اللي ارفعه .. حلو؟ حلو .. نكمل..
تعرف على اسباب عدم ظهور نتيجة لشكل العضلة وماهي افضل التكنيكات لبناء العضل !!
عشان تعرفون كم الوزن الي ترفعونه عشان تبنون عضل لازم تتبعون الخطوات هذي : weight to build muscle
١. لازم اول شي ترفع الوزن اللي تقدر تسوي فيه فقط تكرار واحد فقط وتحدده ك ١٠٠٪ مثال لو سويت سكوات وحطيت وزن لو نفرض ٤٠ كيلو وقدرت تسوي نزلة وصعدة كاملة .
وحده فقط يعني ماقدرت تسوي تكرار ثاني بدون مساعدة احد معناتة ان ٤٠ كيلو بالنسبة لي هو ١٠٠٪ حلو؟ حلو..
٢. بعدها تاخذ الوزن وتضربه ب ٠.٧٥ والرقم اللي يطلع لك هو اكثر وزن أثبتت الدراسات عليها أن يبني عضل مثال على ما سبق : ٤٠ كيلو ضرب ٠.٧٥ يساوي ٣٠ كيلو معناته ان اكثر وزن يبني عضل لي في تمارين السكوات هو ٣٠ كيلو .
٣. نفس الشي تسويه مع كل التمارين لين تعرفون ٧٥٪ من قدرتكم لكل تمرين
مصدر الدراسة الي تثبت هالكلام:
http://www.physiology.org/doi/abs/10.1152/japplphysiol.91481.2008
ملاحظة:
التنويع بالتكنيكات وتوزيع الجولات والتكرارات مهمه اكثر من الوزن الي ترفعونه يعني
مايصير طول عمرك فقط ترفع ٧٥٪ من قدرتك وتلعب نفس التمرين والطريقة وتعتقد أن الجسم
راح يتطور لازم تنوع بارك الله فيك
التعليقات مغلقة، ولكن تركبكس وبينغبكس مفتوحة.